மியாமி மாஸ்டர்ஸ் டென்னிஸ் போட்டியின் இரட்டையர் பிரிவில் இந்தியாவின் ரோஹன் போபண்ணா, சானியா மிர்சா ஆகியோர் அடங்கிய ஜோடிகள் 2-வது சுற்றுக்கு முன்னேறியுள்ளன.
அமெரிக்காவின் மியாமி நகரில் நடைபெற்று வரும் இப் போட்டியில் இந்தியாவின் ரோஹன் போபண்ணா-அமெரிக்காவின் ராஜீவ் ராம் ஜோடி தங்களின் முதல் சுற்றில் 7-6 (8), 6-4 என்ற நேர் செட்களில் அமெரிக்காவின் எரிக் பியூடோராக்-ஆஸ்திரேலியாவின் பால் ஹேன்லி ஜோடியை வீழ்த்தியது. போபண்ணா ஜோடி அடுத்த சுற்றில் குரோஷியாவின் மரின் சிலிச்-செக்.குடியரசின் லூகாஸ் துலோகி ஜோடியை சந்திக்கிறது.
மகளிர் பிரிவில் இரட்டையர் பிரிவில் இந்தியாவின் சானியா மிர்சா-அமெரிக்காவின் பெத்தானியே மடேக் சேன்ட்ஸ் ஜோடி 7-5, 6-3 என்ற நேர் செட்களில் செக்.குடியரசின் இவா பிர்னரோவா-ரஷியாவின் லெப்செங்கோ ஜோடியைத் தோற்கடித்தது. சானியா ஜோடி தங்களின் 2-வது சுற்றில் ஆஸ்திரேலியாவின் ஜர்மிலா-ஜெர்மனியின் சபைன் லிசிக்கி ஜோடியை சந்திக்கிறது.
- இராசேந்திர உடையார்
ஸ்போர்ட்ஸ் நியூஸ் இந்தியாவிற்காக
