மங்கோலியாவில் நடைபெற்ற மகளிருக்கான சீனியர் மல்யுத்த உலகக் கோப்பைப் போட்டியில் இந்தியா 5-வது இடத்தைப் பிடித்தது.
இப்போட்டிகள் மார்ச் 1 முதல் 3-ம் தேதி வரை நடைபெற்றன. 8 அணிகள் பங்கேற்ற இப்போட்டிக்கு இந்திய அணி முதன்முறையாகத் தகுதி பெற்றது.
"பி' பிரிவில் இடம் பிடித்த இந்திய அணி தனது முதல் ஆட்டத்தில் ஜப்பானுடனும், அடுத்த ஆட்டத்தில் மங்கோலிய அணிக்கு எதிராகவும் தோல்வியைத் தழுவியது. கனடா அணிக்கு எதிரான ஆட்டத்தில் 4-3 என்ற கணக்கில் வெற்றி பெற்றது. இந்திய அணியில் 59 கிலோ பிரிவில் பங்கேற்ற கீதா, ஜப்பான், கனடா, மங்கோலியா மற்றும் பெலாரஸ் அணி வீராங்கனைகளை வீழ்த்தினார்.
இப்போட்டியில் சீனா அணி தங்கப் பதக்கம் வென்றது. மங்கோலிய அணி வெள்ளிப் பதக்கமும், ஜப்பான் அணி வெண்கலப் பதக்கமும் வென்றன.
- இராசேந்திர உடையார்
ஸ்போர்ட்ஸ் நியூஸ் இந்தியாவிற்காக
